• جامعة إسطنبول أيدن دي من الجامعات الخاصة القليلة اللي عندها حرم جامعي متكامل وكبير

فيها هتلاقي كل حاجة في مكان واحد:
قاعات دراسية، مكتبة ضخمة للمذاكرة، معامل متطورة، مستشفيات للتدريب العملي، سكن طلابي، ملاعب، وكافيهات… كل ده جوا نفس الحرم الجامعي.

وعشان تكون في الصورة:
معظم الجامعات الخاصة في تركيا، وخاصة الموجودة في إسطنبول الأوروبية، بيكون "الكامبوس" عبارة عن مباني منفصلة أو قريبة من بعض في نفس المنطقة، بس مش جوا نفس المجمع الجامعي.
وده بيأثر على تجربة الطالب اليومية، من حيث الراحة والتنقل والتفاعل.

• مش بس الجامعة قوية أكاديميًا، كمان مركزة جدًا على الجانب العملي وسوق العمل.
الجامعة نفسها أعلنت إن نسبة توظيف الخريجين وصلت لـ85٪!
يعني من كل 100 طالب بيتخرجوا، فيه 85 بيلاقوا شغل في وقت قصير جدًا، وده دليل واضح إن الجامعة مش بس بتركز على الدراسة النظرية، لكن كمان بتهتم بالتدريب العملي، وربط الطلاب بالشركات وسوق الشغل من بدري.

الموضوع مش بس شهادات، الموضوع مستقبل حقيقي.

• ميزة قوية جدًا في الجامعة
الطالب يقدر يدرس تخصص إضافي مجاني بجانب تخصصه الأساسي!
يعني إيه؟
لو مثلًا أنت طالب هندسة كمبيوتر، تقدر تسجل كمان في برنامج إدارة الأعمال بدون أي رسوم إضافية.
ولما تتخرج، هيكون معاك شهادتين بكالوريوس بدل شهادة واحدة!

طبعًا الموضوع محتاج مجهود والتزام أكتر، لأنه مش سهل تدرس تخصصين مع بعض،
لكن للأمانة، الفرصة دي مميزة جدًا، وبتفتح لك أبواب أوسع في سوق العمل.

• ومن المميزات القوية كمان
الجامعة عاملة اتفاقيات تعاون مع جامعات عالمية كتير في أوروبا وأمريكا وغيرها.
وده معناه إن الطالب يقدر يدرس ترم أو سنة كاملة في واحدة من الجامعات دي، ويدفع نفس الرسوم اللي بيدفعها في جامعة آيدن – من غير أي تكلفة إضافية!

الفرصة دي ممتازة لأي طالب حابب يجرب تجربة دولية، يطور لغته، ويبني علاقات وشبكة مع طلاب من كل العالم.

• جامعة إسطنبول ايدن من أقوى الجامعات الخاصة في تركيا، وخصوصًا في التخصصات الهندسية والطبية.
في الهندسة، بتيجي في المرتبة بعد جامعة بهتشة شهير وجامعة إسطنبول بيلجي،
وفي التخصصات الطبية، بتنافس بقوة وبتيجي بعد بهتشة شهير وميديبول.

طيب ليه دي ميزة مهمة؟
لأنك هتاخد مستوى تعليمي عالي جداً، لكن بسعر أقل بكتير!

خلينا نقارن:

• الهندسة:

  • بهتشة شهير: 9000 دولار

  • بيلجي: 7290 دولار

  • جامعة أيدن: 6500 دولار وبتقدم نفس الجودة تقريبًا

• الطب البشري:

  • بهتشة شهير: 28000 دولار

  • ميديبول: 39600 دولار

  • جامعة أيدن: 23750 دولار

• طب الأسنان:

  • بهتشة شهير: 24000 دولار

  • ميديبول: 32400 دولار

  • جامعة أيدن: 21850 دولار

يعني باختصار، الجامعة دي بتوفرلك تعليم قوي في بيئة مميزة، وبسعر مناسب مقارنة بجامعات النخبة!

جامعة إسطنبول أيدن بتضم مجموعة متنوعة من التخصصات الأكاديمية تغطي المجالات الطبية والهندسية والاقتصادية والاجتماعية والفنية.

الكليات والتخصصات

• كلية الهندسة بتخصصاتها المختلفة
هندسة البرمجيات (EN)
الهندسة المعمارية (EN)
العمارة الداخلية.
الهندسة الصناعية (EN)
الهندسة الميكانيكية (EN)
هندسة الطيران والفضاء (EN)
الهندسة المدنية (EN)
هندسة الكمبيوتر (EN)
هندسة الإلكترونيات الكهربائية(EN)
هندسة الغذاء.

• كلية الطب البشري
الطب البشري (EN)
الطب البشري

• كلية طب الأسنان
طب الأسنان (EN)
طب الأسنان

• كلية الفنون الجميلة
الدراما والتمثيل.
الرسوم المتحركة.
تصميم الجرافيك.
فن الطهي.
تصميم الألعاب الرقمية.
تصميم المنسوجات والأزياء.

• كلية العلوم الصحية
التغذية والحمية (EN)
التمريض.
العلاج الطبيعي وإعادة التأهيل.
نمو الطفل.
السمع.
إدارة الرعاية الصحية.
الخدمة الاجتماعية.

• كلية الاتصالات والإعلام
الإذاعة والتلفزيون والسينما.
الصحافة.
تصميم الاتصالات المرئية.
الاتصال العام والترويج.
الصحافة والبرمجة التلفزيونية.
وسائل الإعلام الجديدة والاتصالات.
التسويق والدعاية.

• كلية الاقتصاد والعلوم الإدارية
إدارة الأعمال (EN)
إدارة المحاسبة والمالية (EN)
العلوم السياسية والعلاقات الدولية (EN)
التجارة الدولية (EN)
الاقتصاد والتمويل (EN)
الإدارة العامة.
إدارة الطيران (EN)

• كلية التربية
تعليم اللغة العربية.
معلم لغة إنجليزية.
تدريس التربية الخاصة.
تدريس الرياضيات الابتدائية.
التوجيه والإرشاد النفسي.
التدريس في الفصول الدراسية.
التدريس في مرحلة ما قبل المدرسة.
تعليم الموسيقى.
تعليم اللغة التركية.

• كلية الآداب والفنون
اللغة الإنجليزية وآدابها.
علم النفس.
علم الاجتماع.
اللغة التركية وآدابها.
التاريخ.

• كلية علوم الرياضة
تعليم التربية البدنية والرياضة.
الإدارة الرياضية.
تدريب الكوتشينج.
الترفيه.

• كلية العلوم التطبيقية
الطيران (EN)
تطوير البرمجيات (EN)
نظم المعلومات الإدارية (EN)

ملاحظة:
يرجى الإنتباه ان مقاعد التخصصات التالية (الطب والأسنان وهندسة الكمبيوتر والبرمجيات) تنتهي مبكراً في جامعة اسطنبول ايدن  

تختلف شروط القبول في جامعة اسطنبول آيدن باختلاف الكلية والتخصص. إليك ملخص شامل للشروط المطلوبة للعام الدراسي 2025-2026:

الكليات الطبية (الطب البشري وطب الأسنان):

• العمر: يجب ألا يتجاوز عمر المتقدم 23 عامًا.
• المعدل الأدنى:
  • البرنامج الدراسي باللغة الإنجليزية: 85%.
  • البرنامج الدراسي باللغة التركية: 70%.
• المواد المطلوبة في الشهادة الثانوية: يجب أن يكون المتقدم قد درس مواد الأحياء والكيمياء والفيزياء.
• الشهادات الدولية:
  • شهادة البكالوريا الدولية (IB): 35/45.
  • النظام الأمريكي: معدل تراكمي 3.3/4 بالإضافة إلى 3 مواد AP.
  • النظام البريطاني: خمس مواد O Level، بالإضافة إلى مادتين AL (الأحياء والكيمياء بدرجة B).

كلية الصيدلة:

• العمر: يجب ألا يتجاوز عمر المتقدم 23 عامًا.
• المعدل الأدنى: 75% للبرنامج الدراسي باللغة التركية.
• المواد المطلوبة في الشهادة الثانوية: يجب أن يكون المتقدم قد درس مواد الأحياء والكيمياء والفيزياء.
• الشهادات الدولية:
  • شهادة البكالوريا الدولية (IB): 33/45.
  • النظام الأمريكي: معدل تراكمي 2.8/4 بالإضافة إلى 3 مواد AP.
  • النظام البريطاني: خمس مواد O Level، بالإضافة إلى مادتين AL (الأحياء والكيمياء بدرجة C).

كلية الهندسة:

• العمر: يجب ألا يتجاوز عمر المتقدم 30 عامًا.
• المعدل الأدنى:
  • البرنامج الدراسي باللغة الإنجليزية: 70%.
  • البرنامج الدراسي باللغة التركية: 65%.
• المواد المطلوبة في الشهادة الثانوية: يجب أن يكون المتقدم قد درس مواد الرياضيات والفيزياء.
• الشهادات الدولية:
  • شهادة البكالوريا الدولية (IB): 31/45.
  • النظام الأمريكي: معدل تراكمي 2.5/4 بالإضافة إلى 3 مواد AP.
  • النظام البريطاني: خمس مواد O Level بالإضافة إلى مادتين AL (الرياضيات والفيزياء بدرجة C).

باقي الكليات والتخصصات الأخرى:

• العمر: يجب ألا يتجاوز عمر المتقدم 30 عامًا.
• المعدل الأدنى: 60%.
• الشهادات الدولية:
  • شهادة البكالوريا الدولية (IB): 30/45.
  • النظام الأمريكي: معدل تراكمي 2.2/4 بالإضافة إلى 3 مواد AP.
  • النظام البريطاني: خمس مواد O Level بالإضافة إلى مادتين AL (بدرجة D).

• صورة شخصية بخلفية بيضاء أو زرقاء (اختياري لكن يُفضل).

• صورة جواز السفر (صفحة المعلومات).

• شهادة الثانوية العامة (أو شهادة التيرم الأول لو لسه ما خلصتش الثانوية).

• يُفضل إرفاق شهادات الصف العاشر والصف الحادي عشر.

• بريد إلكتروني للتواصل مع الجامعة.

إثبات اللغة (حسب لغة البرنامج):

إذا كان البرنامج باللغة الإنجليزية:
يجب تقديم واحدة من الشهادات التالية، أو اجتياز اختبار اللغة الذي تُجريه الجامعة:

• TOEFL iBT بمعدل لا يقل عن 79

• PTE Academic بمعدل لا يقل عن 55

• اجتياز اختبار اللغة الإنجليزية الداخلي للجامعة بمستوى B2

إذا كان البرنامج باللغة التركية:

• شهادة مستوى B1 مطلوبة لمعظم البرامج التي تُدرّس بالتركية

• شهادة مستوى C1 مطلوبة لبرامج الطب البشري، طب الأسنان، والصيدلة

موقع الجامعة ممتاز جدًا، وواحدة من أقوى مميزاتها إنها موجودة في قلب إسطنبول!
الجامعة موجودة على محطة "فلوريا" الخاصة بالمتروبوص، ودي ميزة جبارة في مدينة زحمة زي إسطنبول.

طيب إيه هو المتروبوص؟
هو وسيلة مواصلات سريعة تشبه المترو، وليه طريق خاص بيه، محدش غيره بيمشي فيه.
يعني سواء الطريق زحمة أو فاضي، هو ماشي في طريقه بسرعة وثبات وده بيخليه أسرع وسيلة مواصلات في المدينة.

شكل المتروبوص

وده اللي بيخلي جامعة آيدن مميزة جدًا، لأنها موجودة مباشرة على المتروبوص، فتقدر توصلها بسهولة من أي مكان في إسطنبول، من غير ما تضيع وقت في الزحمة.

الجامعة بتوفر سكن للبنات فقط، وبيكون متنوع بين:

• غرف فردية

• غرف زوجية

• غرف ثلاثية

• غرف رباعية

السكن مريح وآمن وموقعه ممتاز، لكن للأسف مافيش سكن طلابي تابع للجامعة للشباب.

طيب والشباب يعملوا إيه؟
فيه حلّين:

1. سكن طلابي خاص قريب من الجامعة

2. أو استئجار شقة مع طلاب تانيين، وده بصراحة أنسب وأرخص من حيث التكلفة، وكتير من الطلاب بيفضلوا الخيار ده.

ملاحظة مهمة:
السكن الخاص بالجامعة بيتحجز بسرعة جدًا!
فعشان كده، لو قررت إنك تدرس في جامعة آيدن، حاول تقدم بدري وتحجز السكن في أقرب وقت ممكن عشان تضمن مكانك.

واحدة من أهم مميزات جامعة إسطنبول آيدن إنها معتمدة ومعترف بيها محليًا ودوليًا، وده بيخلي شهادة التخرج منها قوية ومعترف بيها في أماكن كتير.

للتخصصات الهندسية:
الجامعة حاصلة على اعتماد MÜDEK
وده يُعتبر أقوى اعتماد دولي للهندسة، وبيعني إن البرنامج الهندسي مطابق للمعايير العالمية.

للتخصصات الطبية:
الجامعة معتمدة من:

• TEPDAD لاعتماد كليات الطب في تركيا

• FAIMER وهو اعتماد دولي بيخلّي شهادة الطب مقبولة في عدد كبير من دول العالم

اعتراف في الدول العربية:
الجامعة معترف بيها في كل الدول العربية، وخصوصًا دول الخليج زي السعودية، الإمارات، وقطر.

وأعرف طلاب شخصيًا اتخرجوا منها، وشغالين حاليًا في الخليج ووضعهم تمام من ناحية الاعتراف وفرص العمل.

التخصصات باللغة الإنجليزية

التخصصات باللغة التركية 

لو ناوي تقدم على جامعة ايدن، مهم تعرف إن في برامج بتحتاج سنة تحضيرية للغة، وتكلفتها بتختلف حسب التخصص.

الأسعار كالتالي:

• الدبلوم (السنة التحضيرية للغة الإنجليزية): 3000 دولار

• الطب وطب الأسنان (السنة التحضيرية للغة الإنجليزية): 7000 دولار

• برامج البكالوريوس (السنة التحضيرية): نفس رسوم البرنامج نفسه

• برامج الماجستير (تحضيرية إنجليزي): 6000 دولار

• دورات التومر (اللغة التركية لكل البرامج): 3000 دولار

يعني قبل ما تقدم، لازم تعرف برنامجك هيدرس بأي لغة، علشان تحسب مصاريف السنة التحضيرية.

لو ناوي تدرس طب أو أسنان، فجامعة إسطنبول آيدن تعتبر من الجامعات القوية جدًا في التخصصات دي، بس خد بالك:

الجامعة مش بتقبل أي حد بسهولة في البرامج الطبية، وده لأن مستواها عالي جدًا، فهتلاقي الشروط أصعب شوية مقارنة بباقي التخصصات.

طيب الدراسة عملية؟

أكيد، والجامعة موفرة مستشفيتين تابعين ليها، واللي الطلاب بيتدربوا فيهم بشكل عملي بداية من السنة الرابعة، وده مهم جدًا لأن الطب والأسنان تخصصات عملية مش نظر بس.

يعني لو بتدور على جامعة تجمع بين قوة التعليم وتدريب عملي حقيقي، جامعة ايدن خيار ممتاز.

لو كملت قراءة المقال ده، فإنت تستاهل هدية محترمة

لو قدمت عن طريقي، هتاخد باقة كاملة من الخدمات اللي بتوفر عليك وقت وفلوس وتعب كتير.

ليه تقدم على جامعة إسطنبول آيدن عن طريقي؟ مش بس عشان أوفرلك قبول، لكن عشان أوفر عليك مشوار طويل كله تعب وتفاصيل!

ناس كتير بتفتكر إن التقديم للجامعة هو بس ورقة وتتقدم وخلاص… الحقيقة غير كده تمامًا، وعلشان كده أنا بوفّرلك 10 خدمات مهمة جدًا، وكل واحدة فيهم بتوفر عليك وقت، مجهود، ووجع دماغ:

1. دعم على مدار الساعة – أي سؤال أو مشكلة بتواجهك، هتلاقيني متواجد أرد عليك فورًا، مش زي ناس بتختفي بعد ما تقدم.

2. قبول مبدئي خلال 24 ساعة – بدل ما تفضل مستني بالأسابيع، أنا بخلي القبول يوصل لك بسرعة علشان تبدأ ترتب كل حاجة بدري.

3. مساعدة في الفيزا – التقديم على التأشيرة فيه تفاصيل كتير، من الأوراق المطلوبة لموعد السفارة، وأنا بمشي معاك خطوة بخطوة.

4. استقبالك من المطار – أول مرة توصل تركيا؟ متقلقش، هستقبلك بنفسي أو حد من الفريق.

5. مساعدة في التسجيل بالجامعة وترجمة الأوراق – التقديم مش بس أونلاين، فيه خطوات على الأرض، زي ترجمة وتصديق الأوراق، وأنا بخلصهم معاك.

6. معادلة الشهادة – إجراء لازم تعمله في تركيا ومش بسيط، بس أنا بضمن لك يتعمل صح وبسرعة.

7. سكن طلابي مناسب – بدل ما تلف وتدور على سكن، أنا بقدملك أفضل الخيارات حسب ميزانيتك واحتياجاتك.

8. إقامة طالب – الإقامة مش ورقة وخلاص، ليها مواعيد وحجوزات ومتابعة، وأنا بخلصها لك بدون وجع دماغ.

9. كارت المواصلات المخفض – حاجة صغيرة لكن مهمة، بتوفرلك في المصاريف، وبساعدك تطلعه من أول أسبوع.

10. متابعة مستمرة – مش بس بقدملك وبسيبك، أنا معاك طول فترة دراستك علشان تتأكد إنك ماشي صح وناجح في تجربتك.

الفيديو هيعرض لك كل حاجة عن جامعة إسطنبول آيدن، هتشوف الكامبوس من جوا بكل تفاصيله، زي القاعات الدراسية الحديثة، المعامل المتطورة اللي هتتعلم فيها عملي، وكمان المستشفى اللي بيتدرب فيها طلاب الطب والأسنان. كل ده هيساعدك تكون فكرة كاملة عن الحياة الدراسية في الجامعة.